Estes son os materiais que nos van mandando. Cada un deles é un pasiño cara a meta de final de curso.
Os nenos e nenas de 1º investigamos moito sobre a cabaza ao longo deste curso. Nada máis empezar as clases, alá polo mes de setembro, xa miramos na horta do cole como eran as follas e as flores de cabaza. Ao pouquiño esas flores desapareceron para dar lugar a pequenas cabazas que ían medrando por días.
Pronto chegou o Samaín e con el trouxemos distintos tipos (hai unha chea delas) e as decoramos para a festa.
Días despois, no mes de novembro, fixemos, xunto cos nosos
compañeiros de infantil e a súa profe Romina, un biscoito boísimo mesturando
moitos ingredientes, entre os que non podía faltar a cabaza. Encantounos!
Biscoito de cabaza - presentacion imagenes
Entre unha cousa e outra buscabamos e atopabamos información sobre ela no ordenador, nos libros e mesmo en xornais, apoiados pola inestimable axuda das nosas familias e de todo o material que entre todos achegábamos á escola.
E xa chegada a primavera collemos as pebidas das cabazas e as botamos nun anaco de terra que tiñamos preparado para sementar… agora toca esperar a que a natureza faga o resto e o vindeiro curso podamos recoller a colleita
Pero mentres tanto preparamos a maqueta que entre todos os nenos do cole realizaremos na entrada da nosa escola, a nosa horta en miniatura.
Tamén traballamos na nosa colaboración co libro dos cultivos feito entre tódolos nenos do cole
Non podemos despedirnos sen relatar que mesmo ousamos escribir un pequeno conto cunha
protagonista moi especial “A cabaza salvadora”.
A cabaza salvadora from camilo on Vimeo.
No hay comentarios:
Publicar un comentario